買左個電視牆架大半年有多，成日都懶得整，又無電鑽，今日放假終於的起心乾去整。

 響快圖美用156蚊買左把電鑽仔，咁鬼平都唔知鑽唔鑽到家，唔理啦，試下啦。個架共要鑽六個孔，D膠塞勁大，係咁易畫好D孔位就鑽，鑽左第一個就塞膠塞啦，pk啦，鑽得大得滯添， 好似鬆鬆地，唔理啦鑽第二個，今次fit位入膠塞，放番個架上去度位，真係pk la.........唔岩位，妖爆佢，跟住再度準另一孔鑽呀鑽，鑽極都鑽唔入，都唔知個鑽唔夠力定牆太硬，鑽到手都軟............如是者鑽晒六個孔，最後得三個孔岩位上螺絲.............好彩剛剛三個孔都係食力位，唔係就大獲.....................。其間vi幫手不斷吸塵，最後搞到個水濾吸塵機入面D紅磚粉變晒榚狀，想洗死人咩.........=.="，連埋清潔搞左兩個幾鐘，終於整好晒，而家可以灘響床睇電視了，正~~