今日又去左會展婚禮展，但今次唔係特登去睇野，係幫倫伯去catwalk show影婚紗。點半鐘約左亞銘同jenny響屋企門口集合，但兩個貴人一到就落雨，擾讓左十五分鐘到連埋vicky一行四人就出發，原本應該三點前要去到，個catwalk show三點開始到三點半，我地既任務係影倫伯D婚紗，兩點多D已到左灣仔，兩條友仔竟然話未食野，fine.....ok，陪佢地響附近食0羅，今日非常好天，藍天白雲
，但好QQQ熱.......頂唔順買左杯冰沙飲下，代價係31蚊
，貴唔貴左D呀....=.=" ，食食下亞銘條友仔問我幾點開始呀？我話三點0羅，佢比隻錶我睇，下??三點一啦.........shit。過晒鐘。但竟然倫伯無打來催，亞銘扮晒野打比佢話去緊，XDD，我地先施施然行過去會展，今次唔洗錢入場，因為倫伯響門口show 參展商pass比食蕉亞生睇，入到去都三點四，倫伯叫我地去天橋睇下仲影唔影到，行到埋去D人迫到爆，聞屁就有份............正當話想試下攝唔攝到入去，oh...shit，廣播話行完lu，明天請早咁話。我地行番去搵倫伯，佢似乎好Q唔得閒，sell 緊野。我地企埋一邊吹水，倫伯個檔口請左個model做人肉佈景，可怕0既事情在眼前出現，我同亞銘講緊駛唔駛同個model影番幾張交下功課呀，
講緊之際，有個三十幾歲亞叔，大約五呎二三吋高，著住件格仔恤衫，牛褲，戴眼鏡，樣子咸濕，唔係，係極度咸濕，除左條褲未休到上心口外原全係電車男look~~電車走過尼同亞銘講，可唔可以幫佢影相？我心諗影乜Q呀？你自己影啦。跟住佢用極速走埋個model度叫銘幫佢影合照，下下下下下？咁都得？？有無廉恥家你電車XDDDD，差在未疊住model個搏頭尼影XDDD。我忍唔住笑到趴街，最衰羅唔切電話出來拍低，，如果唔係youtube又有野登XDDD。我覺得個model勁pro羅，完全無縮無變樣!!!!!讚~~可能嚇到無反應XDD之後我地響會埸行左一個圈0羅左D傳單參考，倫伯度都無野要幫手，我地走左去海邊影相，影影下正經野，特然諗到D好好玩既野XDD，玩左成個鐘之後就走人
。之後又走左去又一城taste買士多啤利，今次買左四盒~~正。之後同銘,jenny分手，歸家吃飯。食完約左三大爛賭鬼ming,bong,hay 響屋企打機同鋤D，玩到天光咁滯先散band 。今次我少有地贏錢，XDDDDDD。hay一個輸晒~~oh yeah@@
