某日開工路過近西貢海邊，雖然天色唔多好，但原來環境都幾靚，即時拔個電話出來影左兩野先，但水漲過唔到堤霸果邊，過到去睇應該仲靚，企企下有個村民無聲無色咁走埋尼，話堤霸果度D水有漩渦家，死左幾個年青人，講完又走左去.................=.="，關我鬼事咩，我又無話要落水
(閱讀全文)
還記得佢地響04年1月最凍果日出世，得果幾度
，狗媽媽第一次生狗BB，總共生左五隻，得一隻黃色，其餘黑色。當我地夜晚訓晒覺既時候，BB與母親一同睡在窩內，但當我地訓醒時，發覺狗BB全部爬晒出窩，狗媽媽唔識擔佢地返去，可能第一次生BB關係，全部BB都凍病了............最後只救到兩隻黑色，死了三隻BB
，我同vi果排都忙到不得了，又要餵狗奶，又要同佢地睇醫生，又凍.....................最後埋單要成萬銀，都唔知乜黃綠診所
。而家佢地已經三歲了，無病無痛，touchwood以後唔好再睇獸醫就好啦
還記起他們小時候真的很百厭，乜Q都咬，比佢地咬爛晒D鞋；隔左三年依舊唔多聽話？除左無再咬鞋...................haha
返完夜訓醒星期日下午(其實未醒......
)去左會展睇婚紗婚宴博覽，目的係想參詳下影結婚相D資料，某人又唔相齋影影樓咁單調，又想去台灣影外景，所以去睇下乜境。去到睇，花多睇亂，大鋪又有細鋪又有都唔知點睇？行左兩個圈羅左一大碟傳單研究左陣，本身幾鍾意蒙娜麗莎D相，覺得幾靚，睇完D傳單先知原來而家D package有埋外影連影樓二合一，坐遊艇去西貢D島影外景，睇完D sample又覺得幾靚，某人都幾鍾意，搵左個唔係mk look既姐姐仔同我地介紹，最後join左佢地個海上package，六月先影，仲有三個月比我減磅XDDDDD嘩kakakakakaka
(閱讀全文)
細個的時候好鐘意黃金戰士，用超合金製造，手感勁強，令人愛不惜手，但細個唔會強求亞媽亞爸買玩具，除非佢地自己送上門XDD，今時今日要買番原版已經係天文數字，所以都係得個恨字，放棄吧=.=".................但最近日本仔出番復刻版，一套六隻，有埋木盒，雖然手工比以前更正，但此終無左原版果種感覺，響mk見過都唔平，要成二千蚊一set，諗諗下都係唔買。但有日收工返到屋企，上上下網望望腳底點解有盒野既???原來vi鬼鬼崇崇走去買左比我XDDD，多謝晒先，哈哈。但最後都係唔捨得拆袋=.="
